!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

pāpātanga o te whiti

rate of change

tūingoa

WHAKAMĀRAMA

Ko te tere o te rerekē haere o tētahi āhuatanga i roto i te takanga o te wā. Ko te kauwhata rārangi te mea e tino whakamahia ana hei whakaatu i te pāpātanga o te whiti. Hei tauira, ko te tāroaroa o tētahi tipu i te takanga o te wā.

The speed at which something changes over time. Line graphs are used to show rates of change. For example, the height of a plant over time.

Tauira KŌrero

Whakaaturia te pāpātanga o te whiti ki te kauwhata rārangi

Tātaihia te pāpātanga o te whiti mai i te rā tuatahi ki te rā tuarima.

Mēnā he tino poupou te rōnaki o te kauwhata, he tino tere te pāpātanga o te whiti.

WhakamĀrama Āpitihanga

He kauwhata rārangi tēnei e whakaatu ana i te tawhiti o tētahi tangata i tōna kāinga i te takanga o ngā haora i tētahi rangi:

Ko te rōnaki o te rārangi o te kauwhata hei whakaatu i te pāpātanga o te whiti. Arā:

  • Mēnā e tino piki ana te rōnaki, he tino tere te whiti (he tino tere te tawhiti haere o te tangata i tōna kāinga - ko te ‘e’ i te kauwhata i runga nei).
  • Me he māmā te piki o te rōnaki, he pōturi te whiti (kāore e tino tere te tawhiti haere o te tangata i tōna kāinga - ko te ‘i’ i te kauwhata i runga nei).
  • Mēnā he huapae te rārangi, kāore e whiti ana (ka pūmau tonu te tawhiti o te tangata i tōna kāinga - ko te ‘a’, te ‘h’, te ‘k’ me te ‘n’ i te kauwhata i runga nei).
  • Me he māmā te heke o te rārangi, he pōturi te whiti (kāore e tino tere te pātata haere o te tangata ki tōna kāinga).
  • Mēnā e tino heke ana te rōnaki, he tino tere te whiti (he tere te pātata haere o te tangata ki tōna kāinga - ko te ‘m’ i te kauwhata i runga nei).

E toru ngā momo pāpātanga tipu e whakaaturia ana ki ngā kauwhata nei:

He pāpātanga tipu pūmau i te takanga o te wā

He rārangi torotika whakapiki te āhua o te kauwhata.

Ko te y = 2x hei tauira o te whārite o tēnei momo kauwhata.

He pāpātanga tipu pūkōaro i te takanga o te wā.

He tere te tipu i te tīmatanga, ka pōturi haere, ka pōturi haere.

Ko te y = pūkōaro2hei tauira o te whārite o tēnei momo kauwhata.

He pāpātanga tipu taupūtanga i te takanga o te wā.

He pōturi te tipu i te tīmatanga, ka hohoro haere, ka hohoro haere.

Ko te y = 2x hei tauira o te whārite o tēnei momo kauwhata.

 

E toru ngā momo pāpātanga heke e whakaaturia ana ki ngā kauwhata nei:

He pāpātanga heke pūmau i te takanga o te wā

He rārangi torotika whakaheke te āhua o te kauwhata.

Ko te y = -2x + 7 hei tauira o te whārite o tēnei momo kauwhata.

He pāpātanga heke pūkōaro i te takanga o te wā.

He tere te heke i te tīmatanga, ka pōturi haere, ka pōturi haere.

Ko te y = pūkōaro1/2 x hei tauira o te whārite o tēnei momo kauwhata.

He pāpātanga heke taupūtanga i te takanga o te wā.

He pōturi te heke i te tīmatanga, ka hohoro haere, ka hohoro haere.

Ko te y -(2x) hei tauira o te whārite o tēnei momo kauwhata.

 

Takenga Mai

pāpātanga - rate

whiti - change

Tauira KŌrero

Whakaaturia te pāpātanga o te whiti ki te kauwhata rārangi

Tātaihia te pāpātanga o te whiti mai i te rā tuatahi ki te rā tuarima.

Mēnā he tino poupou te rōnaki o te kauwhata, he tino tere te pāpātanga o te whiti.

WhakamĀrama Āpitihanga