Pūtaiao

paparanga ngahere

forest layer

tūingoa

Ko ngā wāhanga o te ngahere, mai i te papa ki te kāuru o te ngahere. He rākau, he tipu, he rauropi kē tō tēnā paparanga ngahere, tō tēnā.

The parts of the forest, from the floor to the canopy above. Each forest layer contains different trees, plants and other organisms.

Ko wai mā ngā manu e kitea ana i tēnā paparanga ngahere, i tēnā?

Tautohua ngā rākau e tupu ana ki te paparanga teitei o te ngahere.

Ko te ururua te paparanga ngahere e kitea ai ngā māhuri.

Koia nei ngā paparanga o te ngahere:

Ko te kāuru o te ngahere:
Kei konei ngā rau me ngā peka o ngā rākau nui, pērā i te rātā, te tawa, te pūriri me te rimu. Ka kīia ko tēnei te tuanui o te ngahere e whakamarumaru ana i ngā paparanga kei raro iho.
Ko te kāuru-raro o te ngahere:
Kāore i te pērā rawa te teitei o ngā rākau o tēnei paparanga, pērā i te nīkau, te ponga me te kāmahi.
Ko te ururua:
Kei tēnei paparanga ko ngā māhuri e tupu ake ana ki te aho e kuhu mai ana mā roto i te kāuru o te ngahere.
Ko te papa o te ngahere:
Kei konei ngā tipu iti, pērā i te kohukohu, te rarauhe me te harore. E noho mai ana ki te papa o te ngahere ngā otaota, pērā i ngā rau rākau kua taka ki te whenua. Ka kīia tēnei ko te paparanga otaota. He mōmona tēnei matū pararopi hei whāngai i ngā pakiaka o ngā tipu:

Ko wai mā ngā manu e kitea ana i tēnā paparanga ngahere, i tēnā?

Tautohua ngā rākau e tupu ana ki te paparanga teitei o te ngahere.

Ko te ururua te paparanga ngahere e kitea ai ngā māhuri.