!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Toi Ataata

papanga

fabric, material, cloth

tūingoa

WHAKAMĀRAMA

He whatunga kaka, ka mātua whakamahia hei tui kākahu. He papatahi, he angiangi, he māene ngā momo papanga, pērā i te aute, te papahune, te tapa, te papamāene me te kariko.

Made from woven or knitted fibres, and primarily used for clothing. Te various kinds of fabric are flat, thin and pliable, such as mulberry, cotton, tapa, silk and calico.

Tauira KŌrero

Arā kē ngā momo papanga hou e putaputa mai ana mō te ao hākinakina, pērā i te raikara.

Tapahia ngā papanga, ka whakapiri ai ki te pepa, kia rite ki te rākau te āhua.

Ko te tāpora te papanga pai mo te tui raumata.

WhakamĀrama Āpitihanga

He maha ngā momo papanga, ko ētahi ka whatua ki ngā kaka ka hua mai i te taiao, pērā i te papamuka. Ko ētahi ka whatua ki ngā kaka horihori ka hua i tā te tangata rāwekeweke i ngā matū pērā i te waro. Koia nei ngā whakamārama mō ētahi:

Te kānawehi: He kaitara, he āhua taumaha tēnei papanga, whatua ai ki te miro kātene , ki te kōaka, ki te hutu rānei. Mātua whakamahia ai hei papa peita, hei hanga tēneti hoki.

Te kariko: Whatua ai te kariko ki te miro kātene. He , he āhua kau noa, kāore he whakapaipai. 

Te ngaiaku: He kaka hangaia ai e te ringa tangata. Ina whatua, ka puta he papanga rauangi, he māheniheni.

Te papahune: Whatua ai ki te kaka māene ka puta i te tipu kātene e whakatupuria ana ki ngā whenua o tāwāhi pērā i Amerika. E tino whakamahia ana te papahune hei tui kākahu.

Te papahunga: He kiri kararehe, kua wakua tētahi taha kia perehunga ai.

Te papamāene: Whatua ai te papamāene ki te kaka rauangi ka puta i te noke hiraka. He māene, he mōhinuhinu, he kaha tēnei papanga.

Te papamōhinu: He māene, he mōhinuhinu tēnei papanga. He āhua rite ki te papamāene engari he papanga horihori, kāore i takea mai i te kaka māori.

Te papamōnehu: Whatua ai tēnei papanga ki te kātene, ki te papamāene, ki te ngaiaku rānei. Ka whatua kia tino pipiri ngā kaka, ā, he mōnehunehu tētahi taha.

Te papamuka: Whatua ai tēnei papanga i te muka o te harakeke. He kaha ake i te papahune, he māene anō hoki. 

Te paparai: Whatua ai ki te miro kātene, he āhua mātotoru tēnei papanga, e whai ripa ana. 

Te raikara: He momo papanga kūtoro, hangaia ai e te tangata. He angiangi, he kūtorotoro, ka mātua whakamahia hei tuitui kaka hākinakina.

Te tāngari: He āhua mārō tēnei papanga, whatua ai ki te kātene.

Te tapeha: He momo kirihou tēnei papanga, hangaia ai e te tangata. He kaha, ā, mātua whakamahia ai hei uhi nōhanga.

Te tāpora: He pūtiotio, he kaitara tēnei papanga, whatua ai ki te kōaka, ki te hutu rānei.

 

I ētahi toi ataata, whakamahia ai te papanga hei rawatoi, pērā i te toi piripiri:

 

I ētahi toi ataata, whakamahia ai te papanga hei papa mō te mahinga toi, pērā i te tapa, me te waihanga kara. 

 

 

I ētahi toi ataata, ka tuia te papanga hei whakaputa mahinga toi, pērā i te tui whakaniko. 

 

Rerehau Pasene-Grenell
Ngaru
Te tui whakaniko i te miro kātene

 

Takenga Mai

papanga rua - two-fold, of fabric

Tauira KŌrero

Arā kē ngā momo papanga hou e putaputa mai ana mō te ao hākinakina, pērā i te raikara.

Tapahia ngā papanga, ka whakapiri ai ki te pepa, kia rite ki te rākau te āhua.

Ko te tāpora te papanga pai mo te tui raumata.

WhakamĀrama Āpitihanga