!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

oro

sound

tūingoa, tūmahi poro, tūāhua

WHAKAMĀRAMA

He momo pūngao ka hua ake i te neke o tētahi mea. Ka tōiriiri te matū e karapoti ana i te mea e neke ana (pērā i te hau takiwā, te wai rānei), ā, ka kawea ake hei ngaru. E 330 mita i te hākona te tere o te ngaru oro i roto i te hau takiwā.

A type of energy which comes from the movement of an object. The substance surrounding the object (for example air or water) vibrates, and the vibrations are carried out as a wave. Sound waves travel at a speed of 330 metres per second in air.

Tauira KŌrero

He aha te whānui o ngā ngaru oro e rangona ai e te taringa tangata?

Whakamāramatia mai te huarahi e rongo ai tātou i tētahi oro.

He rerekē te momo oro o tēnā taputapu whakatangitangi, o tēnā, engari katoa ngā oro ka hua ake i ngā tōiriiri, ka puta i te taputapu whakatangitangi.

WhakamĀrama Āpitihanga

Ko te maha o ngā tōiriiri i te hākona (arā, te auau o te ngaru) te mea hei whakapiki, hei whakaheke rānei i te hauoro. Mēnā he tere te tōiriiri (arā, he tere te auau o te ngaru), he teitei  te hauoro, he iere. Mēnā he pōturi te tōiriiri (arā, he pōturi te auau o te ngaru), he mārū te  hauoro. He pēnei te āhua o te ngaru o te hauoro teitei me te hauoro mārū:

Ko te rahi o te tōiriiri (arā te teitei o te ngaru) te mea hei whakapiki, hei whakaheke rānei i te kahaoro. Mēnā he rahi te tōiriiri (arā, he teitei te ngaru), he hoihoi anō te oro. He pēnei te āhua o te ngaru o te oro māriri, me te oro hoihoi:

Ko te wae pāoro (dB) te waeine hei whakaatu i te kaha o tētahi oro. Kei te takiwā o te 60dB te kōrero noa a te tangata, kei te takiwā o te 30dB te kōhimuhimu. Ka eke ki tua atu i te 100dB te kaha o te oro ka puta i tētahi konohete pūoro rakapioi.

Ka whakawhiti te pūngao oro mai i tētahi mea ki tētahi, ka huri hoki te pūngao oro ki tētahi atu momo pūngao. Hei tauira:

Tauira KŌrero

He aha te whānui o ngā ngaru oro e rangona ai e te taringa tangata?

Whakamāramatia mai te huarahi e rongo ai tātou i tētahi oro.

He rerekē te momo oro o tēnā taputapu whakatangitangi, o tēnā, engari katoa ngā oro ka hua ake i ngā tōiriiri, ka puta i te taputapu whakatangitangi.

WhakamĀrama Āpitihanga