!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Ngā Mahi a te Rēhia

nuka tito nekehanga

choreographic device

tūingoa

WHAKAMĀRAMA

Ko ngā momo rautaki ka whakamahia e te kaitito nekehanga, pēnei i te tāruarua, te tāwhai, te huripoki, te huri kōaro, te tāpiripiri me te whakakaurahi.

Strategies used by a choreographer, such as repetition, imitation, inversion, retrograde, accumulation and augmentation.

Tauira KŌrero

He aha ngā nuka tito nekehanga i whakamahia e te kaitito i tēnei kanikani?

Kāore e kore ka puta he pātai e pā ana ki ngā momo nuka tito nekehanga i tā tāua whakamātautau.

Koirā te raupapa nekehanga matua o te kanikani, ka tāpiria ki tērā ngā nuka tito nekehanga hei whakaniko.

WhakamĀrama Āpitihanga

Koia nei ētahi o ngā nuka tito nekehanga matua me ngā whakamārama:

  • Ko te tāruarua, arā, ko te hoki anō ki ngā nekehanga o mua. I ētahi wā, he auau te tāruarua. Hei tauira:


 

  • Ko te tāwhai, arā, ko te whai a tētahi kaikanikani i ngā nekeneke a tētahi, me te tārua i aua nekehanga. Hei tauira:

 

  • Ko te huri kōaro, arā ka tīmata tētahi nekehanga mai i tōna mutunga, ka hoki whakamuri ai ki te tīmatanga o te nekehanga. Hei tauira:

 

  • Ko te huripoki, arā, ka huri kia tauaro te nekehanga. Hei tauira, ko te peke whakamuri te huripokinga o te peke whakamua. Hei tauira:



  • Ko te kōrori, arā, ko te whakakotiti i te tū, i te neke rānei o te tinana. Hei tauira:



  • Ko te tāpiripiri, arā, ka tāpiria haerehia tētahi nekehanga ki te/ngā nekehanga o mua. Ko te A, AE, AEH, AEHI tētahi whakamārama poto mō tēnei nuka. Hei tauira:


 

  • Ko te whakakaurahi, arā, ka whakanuia ngā nekehanga kia rahi ake, kia teitei ake, kia roa ake. Ka whai wāhi hoki i konei ko te whakakauriki i ngā nekehanga kia iti ake. Hei tauira:

 

  • Ko te neke inaki, arā, te tāruarua a tētahi kaikanikani i ngā nekeneke a tētahi i muri tata iho, kia inaki tonu. Hei tauira:

 

  • Ko te whakaata, arā, he ōrite, he ngātahi ngā nekeneke a ētahi kaikanikani tokorua, mata ki te mata, ko tētahi te whakaatanga o tētahi. Hei tauira:

 

  • Ko te whakaniko, arā, ko te tāpiri i ētahi nekehanga huatau. Hei tauira:


 


 

 

Takenga Mai

nuka - device, stratagem, ploy

Tauira KŌrero

He aha ngā nuka tito nekehanga i whakamahia e te kaitito i tēnei kanikani?

Kāore e kore ka puta he pātai e pā ana ki ngā momo nuka tito nekehanga i tā tāua whakamātautau.

Koirā te raupapa nekehanga matua o te kanikani, ka tāpiria ki tērā ngā nuka tito nekehanga hei whakaniko.

WhakamĀrama Āpitihanga