Te Reo Matatini

ngohe tuhi takamua

pre-writing activity

tūingoa

He mahi ako hei whakarite i te ākonga i mua i tana tuhituhi.

A learning activity which helps prepare students for writing.

Mā te ngohe tuhi takamua e hihiko ai te ākonga ki te tuhituhi.

He aha ētahi ngohe tuhi takamua e pai ana mō te tuhi pūrongo?

E pai ana te ngohe tuhi takamua hei whakamahana i te ākonga, kia pai ai tana ruku i te kaupapa o tana tuhituhi.

Hei tauira o ētahi ngohe tuhi takamua:

Ko te ohia manomano, arā, ka whakawhitiwhiti whakaaro ngā ākonga mō te kaupapa o te tuhituhi.
Ko te tuhi i tētahi mahere huatau (pērā i te tūtohi māwhaiwhai) e whakaatu ana i te kaupapa matua o te tuhituhi me ōna kaupapa iti.
Ko te tuhi māhorahora, arā, ko te tuhi noa i ngā whakaaro mō te kaupapa ka puta noa ki te hinengaro, karekau he āta whakaaro ki te kupu, te wetereo, te raupapa rānei o ngā whakaaro.
Ko te tuhi whakautu ki ētahi pātai matua e ono mō te kaupapa, arā: Ko wai ngā tāngata, ngā kiripuaki rānei e whai wāhi mai ana? He aha te kaupapa me ōna take? Ko hea te wāhi tū ai te kaupapa? He aha te wā tū ai te kaupapa? He aha i hua ake ai te kaupapa? He aha te otinga ake o te kaupapa?
Ko te āta whakaaro ki te puna kupu motuhake e hāngai ana ki te kaupapa o te tuhituhi.

ngohe - task, learning activity

taka - to come around, as a date or period of time

mua - in front of, before

Mā te ngohe tuhi takamua e hihiko ai te ākonga ki te tuhituhi.

He aha ētahi ngohe tuhi takamua e pai ana mō te tuhi pūrongo?

E pai ana te ngohe tuhi takamua hei whakamahana i te ākonga, kia pai ai tana ruku i te kaupapa o tana tuhituhi.