| akutō* | He pōturi, he āta haere, kāore i tere te neke. |
angi*
kupu kē atu: whakaangi | He māhorahora te neke, kāore he here, he pōreareatanga, he aha atu hei whakararu mai. |
aroarowhaki*
kupu kē atu: oreore, ori, tīkorikori | Ka iti tonu, ka tere tonu te wiri. |
| hakune | He tūpato, he āta haere te neke, ehara i te neke poka noa. |
haukori*
kupu kē atu: tūtū | Ka kakama, ka hihiko te haere. |
| hīkaikai* | Ka piu i ngā waewae ki mua, ki muri, ki mua, ki muri. |
hikoki*
kupu kē atu: hurori, hīrori, kōkeke | Ka tatutatu ngā waewae me te mea nei ka hinga. |
| hita* | Ka hukihuki te āhua o te neke. |
| hokahoka | Ko te neke i te takiwā, ānō nei e rere ana, e hāro ana. |
| hōkeka | Ka pōrangi te āhua o te neke hei whakaata i te riri, i te pōkaikaha rānei. |
| hōnekeneke* | Ka hīkoi me te kore e hiki ake i ngā waewae i te papa. |
| hūkokikoki* | Ka tukoki te neke, te haere i te ngoikoretanga, i te kore rānei o tētahi mea e mau tika, e noho tika rānei. |
kapekapetau*
kupu kē atu: kapetau, takawheta | Ka tere tonu te neke ki mua, ki muri, ki ngā taha rānei. |
kauneke*
kupu kē atu: paneke | Ka neke whakamua. |
| kaunuku* | Ka neke me te rōnaki anō o te haere, kāore i taurangi te tere. |
| kōkeke* | Ka neke ki mua, ki muri, ki ngā taha rānei; ka haere ki tētahi wāhi, ka hoki mai anō, ka haere anō ki taua wāhi, ka hoki ake anō. |
| kōkiri* | Ka rere whakamua (ki te patu i te hoariri). |
koropuku*
kupu kē atu: konihi, ninihi, whakakoko, whakamokamoka, whakamōkihi | Ka haere tāhae kia kore ai tētahi atu e kite, e rongo, e mōhio, e aha ana koe. |
korite*
kupu kē atu: neke ngātahi | Ka neke ngātahi, me te mea nei kotahi anō te mea e neke ana. |
| māngaingai | He taumaha te neke o te tinana, o ngā waewae. Kāore i māmā, kāore i tere. |
| oke, okeoke* | Ka takahuri, ka neke ki tētahi taha, ki tētahi taha, i te mamae, i te kino rānei o te noho. |
oreore*
kupu kē atu: kareu, oioi | Ka neke (i te tinana) kia iti nei, tērā pea ki tētahi taha, ki tētahi taha. |
ori*
kupu kē atu: pīoioi | Ka neke kia ngāwari noa, mai i tētahi taha ki tētahi, mai i mua ki muri rānei, me te mau anō o tētahi pito, me te mea nei rānei e mau ana tētahi pito. |
piupiu*
kupu kē atu: koiri, ngāruerue, takaoreore | Ka auau te neke ki mua, ki muri, mai i tētahi taha ki tētahi, mai i tētahi wāhi rānei ki tētahi. |
porotiti*
kupu kē atu: hurihuri | Ka rite tonu te huri. |
rōnaki*
kupu kē atu: naki | Ka māmā noa te tītipi haere. |
| takawhitiwhiti* | Ka takahuri, ka rukeruke te tangata i tōna anō tinana ki tētahi taha, ki tētahi taha, i te mamae, i te kore e au o te moe, i te aha atu. |
| tatutatu* | Ka tata te hinga, kāore i tina, kāore i whena. |
| tīemiemi* | Ka neke kia ngāwari noa mai i runga ki raro, ka hoki anō. |
wawani
kupu kē atu: waniwani | He māmā, he mōaniani te neke. |
whakamakaka
kupu kē atu: whakamākakakaka | Ka koiri, ka whātoro, ka whakapiko i te tinana hei whakamāmā i ngā uaua. |
| whakatairangi* | Ka haere noa me te kore e āta whakaaro e haere ana ki hea, he aha rānei te take i haere ai. |