!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Toi Ataata

moko ~a ~ia

moko (tattooing on the face or body under traditional protocol)

tūingoa, tūmahi whiti

WHAKAMĀRAMA

Ko te whakairo, te tā rānei i tētahi tauira ki te kiri tangata, me te aro anō ki te taha wairua, te whakapapa o te tangata, me te tikanga o roto i te moko.

The embellishing or etching of a pattern on human skin, with due regard to spiritual aspects, the genealogy of the person, and the meaning held within the moko.

Tauira KŌrero

Kua mokoa tōna kauae.

Ko wai mā ētahi o ngā ringarehe o te toi moko?

Ko te katoa o te kapa haka e mau moko ana i tā rātou tū ki te atamira.

WhakamĀrama Āpitihanga

I ngā wā o mua, whakamahia ai he uhi hei i te moko, arā, he taputapu i hangaia i te kōiwi o te toroa. Ka paoa te uhi ki te kuru, ā, ka haea te kiri o te tangata. Ko te turiwhati tētahi atu taputapu tāmoko, i hangaia mai i te kōiwi tonu o taua manu, ko te ngira tāmoko te rite. Ka whakamahia te āwheto, tētahi momo hekaheka, me te wai ngārahu hei tae. Ko ētahi o ngā ringa tāmoko o ēnei rā kei te whai tonu i ēnei tikanga o mua, engari ko te nuinga pea kei te whakamahi i ngā pūrere tāmoko me ngā momo waitae o ēnei rā.

He tauira tēnei o te uhi matarau: 

 

 

 

He tohu te moko o te tuakiri Māori o te tangata, o tōna here ki tōna iwi, me tōna whakapapa. Ko ngā rārangi matua o te moko, ka kīia ērā ko ngā kaka. Hei tauira o te moko:

He moko kauae tenei: 

 

He paeturi tēnei moko kua tāngia ki te kūwhā o te tangata: 

 

 

Mēnā he tānga tauira noa iho ki te kiri o te tangata, me te kore i aro ki ngā tikanga Māori, ka kīia tērā ko te kirituhi. He tauira tēnei o te kirituhi:

 

 

KUPU KĒ ATU

tāmoko

Tauira KŌrero

Kua mokoa tōna kauae.

Ko wai mā ētahi o ngā ringarehe o te toi moko?

Ko te katoa o te kapa haka e mau moko ana i tā rātou tū ki te atamira.

WhakamĀrama Āpitihanga