WhakamĀrama Āpitihanga
He tukanga ōkiko te memeha. Ki te whakaranua te tote me te wai, ka memeha te tote, engari ka noho tonu ngā korakora tote ki roto i te wai, kāore e hua ake he tauhohenga matū. Ki te whakaetoa te wai, ko te tote anō ka toe mai.
He mehanga te kapu kawhi. Ko te paura kawhi me te huka ngā matūmeha, ka memeha ki roto i te wai wera (te tāmeha):
Mā te tō o ngā korakora o te tāmeha e wetekina ai ngā korakora o te totoka, e mahora atu ai aua korakora totoka ki roto i te tāmeha:
Kāore ētahi totoka (pērā i ngā momo konganuku) e memeha ki roto i te wai. Ka kīia he meha-kore.
Ko te mehamehanga he inenga o te nui o te totoka (karamu - g) ka taea te whakamemeha ki roto i te rita wai kotahi. Ina piki te mahana o te wai, ka piki anō te mehamehanga o te totoka. Ka whakaaturia te mehamehanga o tētahi totoka ki te kauwhata:
