!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

mati whai tikanga

significant figure (digit)

tūingoa

WHAKAMĀRAMA

Koia nei te nui o ngā mati e tika ana hei whakaatu i te uara o tētahi tau mēnā e whakaawhiwhia ana taua tau. Hei tauira, ko te tāroaroa o tētahi tangata - kia 3 ngā mati whai tikanga, arā pea ko te 1.76m. Kāore he take o te 1.76459m (kāore hoki e taea kia pērā rawa te tōtika o te ine). Ki te whakaawhiwhia te 0.0287 kia rua ngā mati whai tikanga, ko te 0.03 tērā. Ki te whakaawhiwhia te 3,745 kia rua ngā mati whai tikanga, ko te 3,700 tērā.

The number of digits necessary to show the value of a number when rounding off, or making an approximation. For example, giving the height of a person to three significant figures would be 1.76m. The exactness of a measure such as 1.76459m would be unnecessary, and difficult to measure correctly. Rounding 0.0287 to two significant figures would be 0.03. Rounding 3,745 to two significant figures would be 3,700.

Tauira KŌrero

Whakaawhiwhia te 37.057 kia toru ngā mati whai tikanga.

E hia ngā mati whai tikanga e tika ana hei whakaatu i te tere o te tangata ki te oma i te 100m? 

Kimihia te taupori o Aotearoa, tuhia kia rua noa iho ngā mati whai tikanga.

WhakamĀrama Āpitihanga

Hei tauira o te mati whai tikanga:

  • 80.2563kg - te taumaha o tētahi tangata.
    I te nuinga o te wā, kāore he take o ngā mati whaiira, he tōtika rawa te inenga. He pai noa iho te 80kg, arā, kia rua ngā mati whai tikanga.
  • 126.4367km - te tawhiti mai i Tāmakimakaurau ki Kirikiriroa.
    Kāore pea he take o ngā mati whaiira nei, he uaua hoki te ine kia pērā rawa te tōtika. He pai noa iho te 126km, arā, kia 3 ngā mati whai tikanga.

Kāore e whai wāhi mai ngā mati kore i te tīmatanga, i te mutunga rānei o tētahi tau hei mati whai tikanga. Hei tauira, ko te 300 te whakaawhiwhinga o te 327.6 kia kotahi te mati whai tikanga. Ko te 0.05 te whakaawhiwhinga o te 0.05328 kia kotahi te mati whai tikanga.

Hei tauira anō o ngā mati whai tikanga:

Te tau

327.6

23.71

0.05328

kia 3 ngā mati whai tikanga

328

23.7

0.0533

kia 2 ngā mati whai tikanga

330

24

0.053

kia 1 te mati whai tikanga

300

20

0.05

Takenga Mai

mati - digit

whai - possess, follow

tikanga - meaning

Tauira KŌrero

Whakaawhiwhia te 37.057 kia toru ngā mati whai tikanga.

E hia ngā mati whai tikanga e tika ana hei whakaatu i te tere o te tangata ki te oma i te 100m? 

Kimihia te taupori o Aotearoa, tuhia kia rua noa iho ngā mati whai tikanga.

WhakamĀrama Āpitihanga