!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Toi Ataata

mātātuhi

print

tūingoa

WHAKAMĀRAMA

He whakaahua ka whakaputaina mā te whakairo me te uhi i tētahi papa ki te waituhi, me te pēhi atu ki te pepa, ki te papanga rānei.

An image that is produced by pressing a plate that has been carved and covered with ink onto paper or cloth.

Tauira KŌrero

Whakamāramatia mai te tukanga whakaputa i tētahi mātātuhi kahupeka.

E tika ana kia āhua kukū te waituhi, kia pai ai te puta o te mātātuhi, kia kore ai e ukupara.

E hia ngā mātātuhi ka puta i te kahupeka kotahi?

WhakamĀrama Āpitihanga

Ko te tukanga mātātuhi māmā rawa atu e whāia ana i te kura, ko te tapahi āhua i tētahi papanga pērā i te hautai, ko te tiki atu rānei i tētahi āhua i te taiao, me te pani i taua āhua ki te peita, ki te waituhi rānei, koia hei ki te pepa: 

 

 

Ko ētahi atu momo, ko te mātātuhi kahupeka, ko te mātātuhi poro rākau me te mātātuhi raumata. 

 

Tērā e kitea, e tū ana ki runga ētahi wāhi o te kahupeka, arā, ngā wāhi kāore i haea ki te whao, ka kīia ērā ko ngā wāhi tōrunga o te mātātuhi. Ka pania ngā wāhi tōrunga ki te waituhi, ā, ko ērā ka tāngia ki te pepa. Ko ngā wāhi ka tīkarongia atu, e noho ana ki raro, ka kīia ērā ko ngā wāhi tōraro o te mātātuhi. Kāore te waituhi e tau atu ki ngā wāhi tōraro o te kahupeka, nō reira kāore e tāngia ki te pepa, ka noho tea tonu ērā wāhi: 

 

 

 

He tauira anō tēnei o te tōrunga me te tōraro i tētahi mātātuhi kahupeka:

Charlotte Graham
Te Rā o te Ruru
He mātātuhi poro rākau

Takenga Mai

mātā (mātāniho) - print or mark of teeth

tuhi - delineate, draw, adorn with painting

KUPU KĒ ATU

hāraunga

Tauira KŌrero

Whakamāramatia mai te tukanga whakaputa i tētahi mātātuhi kahupeka.

E tika ana kia āhua kukū te waituhi, kia pai ai te puta o te mātātuhi, kia kore ai e ukupara.

E hia ngā mātātuhi ka puta i te kahupeka kotahi?

WhakamĀrama Āpitihanga