He kīanga tērā nō roto i ngā karakia o te hāhi Ringatū.
He aha ngā kīanga hei whakaatu i te ohorere o te tangata.
E māharahara ana ngā mātanga reo ki te nui o ngā kīanga hou o te reo, kei te whakawhitia noatia mai i te reo Pākehā.
WhakamĀrama Āpitihanga
Koia nei ētahi momo kīanga:
kīwaha He rerenga kōrero ōpaki o ia rā, he tikanga kē atu tōna i te tikanga noa iho o ngā kupu. Hei tauira, ko te ‘pakaru ana te hamuti’ hei whakaatu i te tino mataku o te tangata.
kīrehu He rerenga kupu, he kupu kotahi rānei, tē kitea tōna tikanga i te tikanga noa o ngā kupu. Ahakoa tērā, e mārama ana ki te hapori nāna te kīrehu. Hei tauira, ko te ‘kino kē’ hei whakamihi i te pai o tētahi mea.
kīpeha He kupu, he kīanga kōrero rānei, he rerekē tōna tikanga i te tikanga noa iho o ngā kupu. Hei tauira, ko te ‘ahikā’ mō te noho tonu o tētahi iwi ki ōna whenua tuku iho.
huahuatau, kupu whakarite He kīanga whakatairite i ētahi mea rerekē e rua. Hei tauira, ko te kīanga 'He korokoro tūī' hei whakamihi i te tangata rōreka ki te waiata. Ka whakatairitea tōna reo ki te reo wainene o te tūī.
I ētahi, ka whakamahia he kupu whakatairite ('pērā i te ...'; 'rite ki ...'; te 'ānō nei he ...'). Hei tauira:
Ānō nei ko te uira e whākanakana mai ana.
Ko te whetū tīramarama tōna rite.
Tauira KŌrero
He kīanga tērā nō roto i ngā karakia o te hāhi Ringatū.
He aha ngā kīanga hei whakaatu i te ohorere o te tangata.
E māharahara ana ngā mātanga reo ki te nui o ngā kīanga hou o te reo, kei te whakawhitia noatia mai i te reo Pākehā.