!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Matatini

aho (kōrero)

clause

tūingoa

WHAKAMĀRAMA

He whakatakotoranga kupu e whai wāhi mai ana tētahi tūingoa, tētahi kīanga tūingoa rānei me te mahi e hāngai ana. Hei tauira:

... me te kata mai a te koroua ...

... e tū mai ana rāua ko te kuia ...

... te mōteatea ātaahua i waiatatia ...

A group of words that contain a noun or noun phrase, and an associated action.

Tauira KŌrero

Tautohua ngā aho o roto i te rerenga kōrero nei.

He kupu wetereo te aho, arā, ko tētahi wāhanga o roto i te rerenga kōrero.

E tū motuhake ana tēnei aho.

WhakamĀrama Āpitihanga

I ētahi wā, ka tū motuhake tētahi aho, e whai tikanga ana i tōna kotahi. I ētahi wā, ka tū te aho motuhake hei rerenga kōrero māmā. Hei tauira:

  • Ka heke ōna roimata.

Kāore te aho whakawhirinaki e whai tikanga ana i tōna kotahi, arā, me tūhono ki tētahi aho motuhake, kātahi ia ka whai tikanga. Hei tauira o te aho whakawhirinaki:

  • ... i te kitenga atu o tōna kuia e tīraha ana i te āhuru mōwai o tō rātou tipuna whare.

Hei tauira o te hononga o tēnei aho whakawhirinaki ki te aho motuhake:

  • Ka heke ōna roimata i te kitenga atu o tōna kuia e tīraha ana i te āhuru mōwai o tō rātou tipuna whare.

 

He aho whakamahuki kei ētahi rerenga kōrero, arā, he aho e whai ana i muri i te aho tūingoa, hei tāpiri whakamāramatanga. I ēnei tauira, kua tārarotia te aho whakamahuki:

  • Ko te tio te kai e tino manakohia ana.
  • Ko Tōrere te marae i tū ai te hui.
  • Ko Hēmi te tangata nāna te manuhiri i whakatau.

Takenga Mai

aho - line of descent

Tauira KŌrero

Tautohua ngā aho o roto i te rerenga kōrero nei.

He kupu wetereo te aho, arā, ko tētahi wāhanga o roto i te rerenga kōrero.

E tū motuhake ana tēnei aho.

WhakamĀrama Āpitihanga