Hauora

karihika

porn, pornography, pornographic

tūingoa, tūāhua

WHAKAMĀRAMA

Ko ngā momo hanga pērā i te pikitia, i te ataata, i te tuhinga kōrero e whakaatu mārika ana i te mahi hōkaka.

Different types of material such as pictures, video and text which show explicit sexual activity.

Tauira KŌrero

Ko te wara karihika tētahi mate e piki haere ana i ngā taiohi tāne i ngā tau tata kua pahemo nei.

Kāore i pērā rawa te wātea o te karihika i ngā reanga o mua, nā te kore o te ipurangi i taua wā.

He aha ngā tikanga a te kura e haumaru ai ngā ākonga i ngā paetukutuku karihika?

WhakamĀrama Āpitihanga

Hei tauira te karihika o tētahi kupu tawhito kua tīkina atu hei whakaahua i tētahi āhuatanga o te ao o ināianei, ā, i reira ka utaina atu he tikanga hou ki taua kupu.

I te wā o ngā tīpuna he āhuatanga whakarekareka, whakakoakoa i te tangata tēnei mea te karihika. Inā he mahi tūkari, he poapoa i te tangata kia warea katoa ia e te karihika. Koia pea hei whakamāmā i tōna pāmamae, i tōna taumahatanga rānei, hei māminga rānei i a ia.

I te aranga ake o te mahi wetiweti nei, te whakaatu mārika i te mahi hōkaka ki te pikitia me te ataata, me te mea hoki he whakaiti, he tūkino wahine te nuinga, ka tīkina atu te kupu nei, te 'karihika' mō tēnei āhuatanga. He taha matakawa tō tēnei kupu ināianei.

Takenga Mai

karihika - lewd, erotic

Tauira KŌrero

Ko te wara karihika tētahi mate e piki haere ana i ngā taiohi tāne i ngā tau tata kua pahemo nei.

Kāore i pērā rawa te wātea o te karihika i ngā reanga o mua, nā te kore o te ipurangi i taua wā.

He aha ngā tikanga a te kura e haumaru ai ngā ākonga i ngā paetukutuku karihika?

WhakamĀrama Āpitihanga