Pūtaiao

kākano

seed

tūingoa

WHAKAMĀRAMA

Ka puta he kākano hou o tētahi tipu i muri i te whakatōnga. Mēnā e tika ana ngā āhuatanga o te wāhi e tau ai te kākano, ka tinaku, ā, ka pihi ake he tipu hou. He kai e pupurihia ana i roto i te kākano hei whāngai i te tipu hou mēnā ka tinaku. He maha ngā kākano ka whakaputaina e te tipu, engari ko te nuinga e kore e tinaku, e kore e pihi. Ko ngā āhuatanga matua e tinaku ai tētahi kākano ko te wai, ko te hāora, ko te mahana (o te oneone me te hau takiwā).

New seeds are produced by a plant following the process of fertilisation. If certain conditions are present, the seed will germinate and begin to grow. Seeds contain a store of food which is used by the new plant following germination. A plant produces many seeds, most of which will never germinate and grow into new plants. The main requirements for germination are water, oxygen and warmth (both soil and air).

Tauira KŌrero

He aha ngā āhuatanga e tinaku ai tētahi kākano?

Tapahia te kākano pīni kia kite ai koe i ngā pātaka.

E rua ngā pātaka kai o te kākano pīni.

WhakamĀrama Āpitihanga

Koia nei ngā huarahi e ruia ai he kākano: 

1. Mā te pupuhi o te hau. Ka kīia he puananī tēnei momo kākano. Hei tauira, ko te tohetaka: 

 

2. Ka kainga e tētahi manu, ā, ka tukuna ki te whenua i roto i tōna tūtae. Hei tauira, ko te miro, ko te rahipere:

3. Ka kawea e tētahi kararehe, kātahi ka taka ki te whenua, ki reira tupu ake ai. Hei tauira, ko te  piripiri:

4. Ka pahū ake te pākākano, ka marara ngā kākano ki te whenua, pērā i te tainoka:

5. Ka kawea ētahi kākano i te ia o te wai, pērā i te kōwhai:

E rua ngā pihi ka tupu ake i te kākano. Ka tētahi hei pakiaka, ko tētahi ko te wana, arā, te pihinga ake  o te tō me ngā rau o te tipu. He whakaahua tēnei o tētahi kākano pīni. E kitea ana te pātaka me ngā pihi e rua. Ka kīia he pātaka-rua te kākano pīni nā te mea e rua ōna wāhanga: 

 

KUPU KĒ ATU

purapura*

Tauira KŌrero

He aha ngā āhuatanga e tinaku ai tētahi kākano?

Tapahia te kākano pīni kia kite ai koe i ngā pātaka.

E rua ngā pātaka kai o te kākano pīni.

WhakamĀrama Āpitihanga