!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

hautanga ā-ira

decimal fraction

tūingoa

WHAKAMĀRAMA

Ko te hautau e whakaaturia ana mā te whakamahi i te ira ngahuru. Ko ngā mati katoa o te hautanga ā-ira, ka whai mai i te taha matau o te ira. Ki te taha mauī o te ira, ko ngā mati o te wāhanga tauoti.
He hautanga ā-ira ēnei (he iti iho i te 1): 0.45, 0.2, 0.0783
He tau ā-ira ēnei (he nui ake i te 1): 1.2, 45.09, 256.6

A fraction that is shown by the use of a decimal point. All of the digits in a decimal fraction come after the decimal point. The whole number part is written on the left of the decimal point.

Tauira KŌrero

E hia ngā mati i tēnā hautanga ā-ira?

He aha te tikanga o te ‘3’ i roto i te hautanga ā-ira 0.53?

I roto i te hautanga ā-ira 0.802, e tohu ana te ‘2’ i te rua haumano (2/1000 ).

WhakamĀrama Āpitihanga

Me pēnei te whakahua i tētahi hautanga ā-ira: 0.593 – ‘kore ira rima iwa toru’. Kaua e pēnei te whakahua: ‘kore ira rima rau iwa tekau mā toru’. Kāore te ‘5’ e tohu ana i te rau, kāore hoki te ‘9’ e tohu ana i te tekau. Nō reira, kia motuhake te whakahua i ia mati o roto i tētahi hautanga ā-ira.

 

I te hautanga ā-ira nei: 0.348

  • e tohu ana te 3 i te 3/10 ,
  • e tohu ana te 4 i te 4/100 ,
  • e tohu ana te 8 i te 8/1000 .

Ko te papa hautekau, te papa haurau me te papa haumano ētahi momo whakaaturanga i te hautau ā-ira:

papa hautekau

He tapawhā hāngai kua wāwāhia hei whakaatu i ngā hautekau. Tekau ngā wehenga iti ōrite.

Ko te 0.6 te hautau ā-ira e whakaaturia ana ki tēnei papa hautekau, arā, ko te 6/10 .

papa haurau

He tapawhā hāngai kua wāwāhia hei whakaatu i ngā haurau. Kotahi rau ngā wehenga iti ōrite.

Ko te 0.28 te hautau ā-ira e whakaaturia ana ki tēnei papa haurau, arā, ko te 28/100 .

papa haumano

He tapawhā hāngai kua wāwāhia hei whakaatu i ngā haumano. Kotahi mano ngā wehenga iti ōrite.

Ko te 0.742 te hautau ā-ira e whakaaturia ana ki tēnei papa haumano, arā, ko te 742/1000 .

KUPU KĒ ATU

hautau ā-ira

Tauira KŌrero

E hia ngā mati i tēnā hautanga ā-ira?

He aha te tikanga o te ‘3’ i roto i te hautanga ā-ira 0.53?

I roto i te hautanga ā-ira 0.802, e tohu ana te ‘2’ i te rua haumano (2/1000 ).

WhakamĀrama Āpitihanga