!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

hangarua ~tia

recycle

tūingoa, tūmahi whiti, tūāhua

WHAKAMĀRAMA

Ko te whakamahi anō i ngā momo para hei whakaputa i ētahi mea hou, mea whaitake anō hoki.

The conversion of waste materials into new products or useful material

Tauira KŌrero

He aha ngā mea e hangaruatia ana i ō tātou kāinga?

He nui ngā painga o te hangarua mō te taiao.

Ko te mahi nui i te taupuni hangarua, ko te wehewehe, ko te whakakao i ngā momo para pērā i te konumohe, te pepa, me ngā momo kirihou.

WhakamĀrama Āpitihanga

Koia nei ētahi o ngā hua ka puta i te hangarua:

  • Ka whakaitia te whakapau i ngā rawa ka takea mai i a Papatūānuku.
  • He māmā ake te utu ki te whakamahi anō i ngā momo matū pērā i te konumohe, tērā i te whakaputa tonu i te konumohe hou.
  • Kāore e pērā rawa te nui o te para ka tukuna ki te tāhawahawa i te taiao.
  • He iti ake te pūngao (pērā i te hiko) ki te whakaputa i ngā mea hangarua, tērā i te whakaputa i ngā mea ka hangaia houtia mai i ngā rawa o Papatūānuku.

He hangarua-kore ētahi rawa - kāore e taea te whakamahi anō hei whakaputa i tētahi mea hou. He hangarua-kore ētahi momo kirihou, he hangarua-kore hoki te pūhiko. Ina mutu te whakamahia o ēnei rawa ka tukuna ki te ruapara, ko te hua, ko te tāhawahawa i a Papatūānuku.

Ko te tohu hangarua tēnei:

nopaddingtop

 

He taupuni hangarua tēnei:

Takenga Mai

hanga - make, build, fashion

rua - two

KUPU KĒ ATU

tukurua

Tauira KŌrero

He aha ngā mea e hangaruatia ana i ō tātou kāinga?

He nui ngā painga o te hangarua mō te taiao.

Ko te mahi nui i te taupuni hangarua, ko te wehewehe, ko te whakakao i ngā momo para pērā i te konumohe, te pepa, me ngā momo kirihou.

WhakamĀrama Āpitihanga