!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

hakoko (o te aho)

refraction (of light)

tūingoa, tūmahi oti, tūāhua

WHAKAMĀRAMA

Ko te whakapikonga o tētahi hihi aho ina whakawhiti taua hihi mai i tētahi whaitua pūataata ki tētahi. Hei tauira, ka hakoko te hihi aho, e whakawhiti ana mai i te hau takiwā ki te wai. Ka hakoko te hihi aho nā te mea he pōturi ake te ngaru aho i roto i te wai, tēnā i te hau takiwā.

The bending of a ray of light when that ray passes from one transparent medium to another. For example, a ray of light bends when travelling from air into water. It bends because the light wave travels slower in water than it does in air.

Tauira KŌrero

Pēhea nei te rahi o te hakoko o te aho?

Hoahoatia te hakoko o te hihi aho ina hou atu ai ki te wai.

Ina hakoko tētahi hihi aho, ka wāwāhia ki ōna tae.

WhakamĀrama Āpitihanga

Ko te hihi aho ka pā atu ki te paenga o ētahi whaitua pūataata e rua, ka kīia ko te hihi whakapā. Ko te hihi aho ka haere tonu i te whaitua pūataata tuarua, ka kīia ko te hihi hakoko. Ko te rārangi e hāngai ana ki te paenga o te whaitua, ka kīia ko te rārangi hāngai:

 

Ina whakawhiti atu te aho ki tētahi whaitua apiapi, he nui ake te koki whakapā i te koki hakoko. Hei tauira, ko te whakawhitinga o te aho mai i te hau takiwā ki te wai (kei runga ake nei).

Ina whakawhiti atu te aho ki tētahi whaitua kāore i te pērā rawa te apiapi, he iti ake te koki whakapā i te koki hakoko. Hei tauira, ko te whakawhitinga o te aho mai i te wai ki te hau takiwā:

 

Ina kuhu tētahi hihi aho ki te wai, ka hakoko. He pōturi ake te haere o te aho i roto i te wai. He rerekē te tere o ngā ngaru e hāngai ana ki ia tae o te aho, nō reira ka wāwāhia te aho, ā, ka kitea ngā tae katoa o te āniwaniwa:

 

Ka puta te āniwaniwa ki te Rangi i te taunga o te aho o Tamanuiterā ki te kōpata ua. Ka kuhu atu te aho ki te kōpata ua, ka hakoko, ka wāwāhia, ā, ka kitea ngā tae o roto i te aho tea.

Takenga Mai

hakoko - bent

Tauira KŌrero

Pēhea nei te rahi o te hakoko o te aho?

Hoahoatia te hakoko o te hihi aho ina hou atu ai ki te wai.

Ina hakoko tētahi hihi aho, ka wāwāhia ki ōna tae.

WhakamĀrama Āpitihanga