!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Ngā Mahi a te Rēhia

haka ~ina

posture dance

tūingoa, tūmahi poro

WHAKAMĀRAMA

He momo kanikani tūtū a te Māori. Ka kīia ko te tū a Tānerore, he whakaputa i te riri, i te ngoto rānei o ngā whakaaro ki tētahi kaupapa. Ka haere tahi ko ngā kupu, te takahi o te waewae, te hūpeke i ētahi momo, te mau rākau i ētahi, te whāitaita o te kanohi, te whātero o te arero me te whiu o ngā ringa - ko ēnei nekeneke katoa hei whakaata i te tikanga o ngā kupu e hakaina ana.

A type of vigorous dance unique to Māori. It is said to be the movement of Tānerore, it is an outpouring of anger or intense feeling about a particular topic. The words of the haka are supported by the stamping of feet, jumping (in some types of haka), the use of weaponry (in some haka forms), facial expressions, the protruding tongue and the movement of the arms. The movements of the haka reflect the words that are being presented.

Tauira KŌrero

He titonga haka i puta i te pukuriri ki te ture takutai moana a te Kāwanatanga.

I hakaina te haka a te kura hei whakanui i te mahi a ngā ākonga.

Ka tū te ihiihi, ka tū te wanawana i te āhua o tā rātou haka.

WhakamĀrama Āpitihanga

He maha ngā momo haka. Koia nei ētahi:

haka pōhiri
Ko tēnei momo hei whakatau manuhiri ki runga i te marae.

haka taparahi
Kāore te kaihaka e mau rākau i tēnei momo, ā, i tētahi wāhanga o te haka taparahi ka tau te tinana o te kaihaka ki te papa.

kaioraora
He whakaputa i te riri, he whakaparahako, he tāwai i tētahi atu.

kōtaratara
He momo ka hakaina i te wā e toa ai te tangata, te rōpū rānei, hei whakanui, hei whakamanamana.

maimai
Ko tēnei momo hei whakatau i te manuhiri e tae mai ana ki tētahi tangihanga.

manawa wera
Kei te kaihaka tonu āna nekeneke i tēnei momo, i runga anō i te kaupapa me te wairua o te wā, pēnā he tangihanga, he hura kōhatu, mō muri rānei i te whaikōrero. Kāore e haere ngātahi ngā nekeneke a ngā kaihaka.

ngeri
He haka poto, kei te kaihaka anō te āhua o āna nekeneke. Kāore ia e mau rākau.

peruperu
Ka mau rākau roa te katoa o te kapa i tēnei momo, me te hūpeke anō a ngā kaihaka. Ko te tūtū ngārahu, ko te puha, ko te tūtū waewae ētahi atu ingoa mō tēnei momo.

whakarewarewa
He momo tēnei hei whakaatu i te mārohirohi o te kapa i mua i te pakanga.

 

Tauira KŌrero

He titonga haka i puta i te pukuriri ki te ture takutai moana a te Kāwanatanga.

I hakaina te haka a te kura hei whakanui i te mahi a ngā ākonga.

Ka tū te ihiihi, ka tū te wanawana i te āhua o tā rātou haka.

WhakamĀrama Āpitihanga