!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Matatini

aroā weteoro

phonological awareness

tūingoa

WHAKAMĀRAMA

Ko te mōhio o te tangata ki ngā tangi o roto i tētahi kupu. Arā, ko tana mōhio ki ngā kupu ka rangona, ka pānuihia rānei, me tana āhei ki te wetewete i ngā kūoro me ngā tangi o ngā pū takitahi.

A person’s knowledge of the sounds within a word. Their recognition of the words they hear or read, and their ability to distinguish the sounds of syllables and individual letters.

Tauira KŌrero

He autaia tana aroā weteoro.

Nāna i whakaatu ētahi ngohe hei whakapiki i te aroā weteoro o te kōhungahunga.

Mēnā e pakari ana te aroā weteoro, he āwhina nui tērā ki te pānui kupu hou.

WhakamĀrama Āpitihanga

He āhuatanga matua te aroā weteoro me te mātauranga oromotu e matatau ai te ākonga ki te pānui ā tōna wā.

Hei tauira o te aroā weteoro:

  • Ka rangona te huarite o ētahi kupu, pērā i te ‘wai’ me te ‘tai’.
  • Ka rangona te oro rite o te tīmatanga o ētahi kupu, pēnei i te ‘karu’ me te ‘kahurangi’.
  • Ka rangona ngā kūoro takitahi o roto i te kupu, ā, ka āhei ki te papaki ringaringa mō ia kūoro. Arā, e whā ngā papaki ringaringa i te wā e whakahuatia ana te kupu ‘tukutuku’.

Hei tauira o te mātauranga oromotu:

Ko te aroā oromotu tētahi wāhanga o roto i te aroā weteoro. Arā, ko tā te tangata rongo, tāna tautohu hoki i ngā oro takitahi o te reo. Koia ko ngā oro e hāngai ana ki ngā o te reo. Ko tana mōhio hoki ki te whakaeminga o ngā oro hei hanga kupu. Hei tauira, e whā ngā oromotu o te kupu ‘paku’ – ko ērā e hāngai ana ki te ‘p’, te ‘a’, te ‘k’ me te ‘u’, ā, ki te noho kotahi mai ēnei oro, ka hua ko te kupu ‘paku’.

Takenga Mai

wete - untie, unravel

oro - sound

Tauira KŌrero

He autaia tana aroā weteoro.

Nāna i whakaatu ētahi ngohe hei whakapiki i te aroā weteoro o te kōhungahunga.

Mēnā e pakari ana te aroā weteoro, he āwhina nui tērā ki te pānui kupu hou.

WhakamĀrama Āpitihanga