!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Matatini

tātaitanga aroā

schema

tūingoa

WHAKAMĀRAMA

Ko te māramatanga ki tētahi mea e noho mai ana ki te hinengaro o te tangata. Ka whanake haere te tātaitanga aroā o te tangata i runga anō i ōna wheako whaiaro, tāna i kite ai, tāna i rongo ai, tāna i pānui ai, i a ia ka pakeke ake.

The understanding of something within a person’s mind. A person’s schema develops in relation to their personal experience, and what they see, hear and read as they grow.

Tauira KŌrero

Ka noho kōtuitui ngā tātaitanga aroā huhua ki roto i te hinengaro o te tangata.

Ko te kaupapa o tana rangahau, ko te tātaitanga aroā o te kōhungahunga ki tenei mea te 'marae'.

Ka kitea te whāiti o tana tātaitanga aroā ki te tikanga o te kupu nei te ‘tāwāhi’, arā, ki a ia ko tētahi whenua ki tērā atu taha o te ao, koirā noa iho.

WhakamĀrama Āpitihanga

Hei tauira, ko te tātaitanga aroā o te tamaiti ririki ki tēnei mea te kurī, ka toro atu pea ki ngā kararehe katoa. Kia pakeke haere te tamaiti, kia nui ōna kitenga i te kurī, kia nui ngā kōrero a tōna whānau mō te kurī, kātahi ka taunga haere tōna tātaitanga aroā ki tēnei kararehe ake.

Hei tauira anō:

  • He pāpaku pea te tātaitanga aroā o te tamaiti noho tāone ki tēnei mea te miraka kau.
  • He pāpaku pea te tātaitanga aroā o te tamaiti noho tuawhenua ki tēnei mea te rama huarahi.
  • He pāpaku pea te tātaitanga aroā o te tamaiti e noho ana ki waho atu i te rohe o Waiariki ki tēnei mea te puia.

Takenga Mai

tātai - arrange, set in order

aroā - be comprehended

Tauira KŌrero

Ka noho kōtuitui ngā tātaitanga aroā huhua ki roto i te hinengaro o te tangata.

Ko te kaupapa o tana rangahau, ko te tātaitanga aroā o te kōhungahunga ki tenei mea te 'marae'.

Ka kitea te whāiti o tana tātaitanga aroā ki te tikanga o te kupu nei te ‘tāwāhi’, arā, ki a ia ko tētahi whenua ki tērā atu taha o te ao, koirā noa iho.

WhakamĀrama Āpitihanga