WhakamĀrama Āpitihanga
Ko te mātātuhi kahupeka nei hei whakaatu i ētahi o ngā āhuatanga hoahoa matua:
Cliff Whiting
He Taonga Nui te Tūpato
He mātātuhi kahupeka
- Ko te rārangi. I tēnei mātātuhi kahupeka, ko ētahi o ngā rārangi hei whakaatu i te tinana tangata, ko ētahi rārangi hei whakaatu i ngā whakanikoniko i te tinana tangata, pērā i te kōwhaiwhai i tōna rae, ko ētahi anō hei whakaputa i te kakano i te tuarongo, arā, ki ngā taha o te tinana. He ia kei ngā rārangi o te tuarongo, e aro whakaroto ana ki te tinana tangata. Karekau pea he ia o ngā rārangi o te tinana, inā e tū noa iho ana te tangata, kāore he nekeneke o te tinana.
- Ko te āhua. Ko te āhua o te tinana tangata te mea matua e kitea ana i tēnei mātātuhi, ā, i whāia ko te āhua o te whakairo i ngā tīpuna i ngā poupou o te wharenui.
- Ko te mokowā. Ko ngā wāhi tōrunga (pango) me ngā wāhi tōraro (mā) hei whakaatu i tēnei āhuatanga hoahoa, te mokowā. Ki tā te karu titiro, e āhua taurite ana ngā wāhi tōrunga me ngā wāhi tōraro.
- Ko te kakano. E kitea ana te kakano ā-ata i te tuarongo o te mātātuhi, arā, ko ngā tīkaro iti i ngā taha o te tinana.
- Ko te taurite. E taurite ana ngā wāhi pango me ngā wāhi mā o te mātātuhi. E taurite ana te rahi o te tinana me te rahi o te tuarongo. E hangarite ana te taha mauī me te taha matau.
Ko te kōwhiringa tae tētahi atu āhuatanga hoahoa matua. I tēnei pikitia ko ngā tae mahana hei whakaatu i te kaupapa o te ahi:
Cliff Whiting
Māui me te Ahi
Te waituhi me te peita waimeha